Millətlər Liqası: Bütün dəstə və səbətlər dəqiqləşdi

UEFA-nın yeni layihəsi olan Millətlər Liqasında bütün dəstələr və səbətlər bəlli olub. Apasport.az saytının məlumatına görə, Azərbaycan yığmasının D liqasında çıxış edəcəyi bir neçə gün öncədən dəqiqləşmişdisə, digər komandalar yenicə öz mövqeyinə qovuşub.

 

4 liqada baş tutacaq yarışın iki ən yüksək dəstəsinin hərəsində 12 komanda çıxış edəcək. C liqasında 15, D liqasında 16 iştirakçı olacaq.

 

Liqaların qruplarının püşkatması gələn il yanvarın 24-də İsveçrənin Lozanna şəhərində baş tutacaq. Azərbaycan yığması D liqasının ən yüksək reytinqlisi olduğundan I səbətdə yer alıb. Bu da millimizə zəif rəqiblər vəd edir.

 

2018-ci ilin sentyabr-noyabr aylarında bütün liqaların qrup oyunları baş tutacaq. A liqasının qrup qalibləri 2019-cu ilin iyununda iştirakçılardan birinin meydanına yığışaraq, yarımfinal və final görüşlərində mükafatların sahiblərinə aydınlıq gətirəcək.

 

A, B və C liqalarının qruplarında sonuncu yeri tutanlar aşağı dəstəyə yuvarlanacaq və növbəti turnirdə orada çıxış edəcək. B, C və D liqalarının qruplarında 1-ci yeri tutanlar isə bir dəstə yuxarı irəliləyəcək.

 

Göründüyü kimi, Azərbaycan millisinin C liqasına vəsiqə uğrunda mübarizə aparmaq şansları yüksəkdi.

 

Amma Millətlər Liqasındakı qazanc yalnız yuxarı dəstəyə qalxmaq deyil. Çünki hər liqanın 1 komandası AVRO-2020-yə yüksələcək.

 

Bu vəsiqələrin sahibləri 2020-ci ilin martında keçiriləcək pley-offda sahibi tapacaq. Hər liqanın Avropa çempionatının seçmə mərhələsindən kənarda qalan 4 ən yaxşısı pley-offda qüvvəsini sınayacaq.

 

A liqası

I səbət

Almaniya, Portuqaliya, Belçika, İspaniya

II səbət

İsveçrə, Fransa, İngiltərə, İtaliya

III səbət

Polşa, İslandiya, Xorvatiya, Hollandiya

 

B liqası

I səbət

Avstriya, Uels, Rusiya, Slovakiya

II səbət

İsveç, Ukrayna, İrlandiya, Bosniya və Herseqovina

III səbət

Şimali İrlandiya, Danimarka, Çexiya, Türkiyə

 

C liqası

I səbət

Macarıstan, Rumıniya, Şotlandiya, Sloveniya

II səbət

Yunanıstan, Serbiya, Almaniya, Norveç

III səbət

Monteneqro, İsrail, Bolqarıstan, Finlandiya

IV səbət

Kipr, Estoniya, Litva

 

D liqası

I səbət

Azərbaycan, Makedoniya, Belarus, Gürcüstan

II səbət

Ermənistan, Latviya, Farer adaları, Lüksemburq

III səbət   

Qazaxıstan, Moldova, Lixtenşteyn, Malta

IV səbət

Andoora, Kosovo, San Marino, Cəbəllütariq

Çox oxunan xəbərlər
Son xəbərlər

14.12.2017

13.12.2017

Müsahibələr
Arxiv
Dekabr 2017
B.eÇ.aÇC.aCŞB
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31















free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
2010-2017 (c) Mediainfo.az | Rss | E-mail: [email protected]
Created by NetService.az