Solovyev türk ölkəsinə hücum etdi: Cavab sərt oldu – Video

Rusiyalı məşhur jurnalist Vladimir Solovyev “Rossiya” televiziyasında Qazaxıstanı Rusiyanı BMT-də dəstəkləməməsinə görə kəskin tənqid edib.

Solovyev Astananın Rusiyaya qarşı mövqeyinin onun Qərbin yanında yer alacağı mənasına gələ biləcəyini deyib.

“Türkiyəni anladıq. Onlarla situativ alyansımız var. Qazaxıstanla müttəfiqliyimiz necədir? Biz, görəsən, Qazaxıstanla münasibətlərimizdə nəyisə bilmirik? Yoxsa aradan qara pişik keçib? Biz Qazaxıstanı Rusiyadan ayıracaq yeni Maydan gözləməliyikmi?” – deyə o bildirib.

Solovyevdən sonra erməniyönlü deputat Konstantin Kosaçev çıxış edib. O, Qazaxıstanı ruslara qarşı siyasətdə ittiham edib:

“Qazaxıstanda qazaxlaşdırma prosesi gedir. Buranın rəhbəri qocalır. Nazarbayevin ilin əvvəlində ABŞ-a səfəri təkcə Milli Fondun həbsdən xilas edilməsi üçün deyildi, həm də tərəflər arasında digər razılaşmalar da imzalanmalı idi”.

Rəsmi Astananın Qazaxıstana cavabı özünü çox gözlətməyib. Jurnalistlərə açıqlama verən Qazaxıstanın İnformasiya və Kommunikasiya naziri Dauren Abayev Solovyevi tanımadığını bildirib.

Qazax politoloq Danil Bekturqanov isə Rusiya mətbuatına açıqlamasında Solovyevin çıxışının Qazaxıstan-Rusiya münasibətlərinə təsir etməyəcəyini deyib:

“Jirinovski zamanında Qazaxıstanla bağlı daha ağır sözlər demişdi. Hər şey onun çıxışlarının müəyyən xətti keçdiyi ana qədər davam etdi. Sonra o, arzuolunmaz şəxs oldu. Bütün bunlar Qazaxıstan-Rusiya münasibətlərinə təsir etmədi. Solovyevlə də bağlı heç nə olmayacaq. Onun verilişi daxili tələbat üçün – daha doğrusu, baş yerinə telequtu gəzdirən rusiyalılar üçün yönəlib.

Axar.az

Çox oxunan xəbərlər
Son xəbərlər

20.05.2018

19.05.2018

18.05.2018

Müsahibələr
Arxiv
May 2018
B.eÇ.aÇC.aCŞB
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31















free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
2010-2017 (c) Mediainfo.az | Rss | E-mail: [email protected]
Created by NetService.az