"ABŞ-ın Böyük OrtaDoğu" proyektinin qarşısını almaq gücündə olan ölkə yoxdur"

Mayın 14-ü gözlənildiyi kimi, ABŞ-ın səfirliyinin Qüdsə köçürülməsi qanlı toqquşmalarla müşahidə olundu. Qəzza bölgəsindən gələn ən son xəbərlərə görə, İsrail tərəfindən fələstinlilərə qarşı təşkil edilmiş kütləvi qırğın səngimək bilmir.
 
Mediainfo.az  xəbər verir ki, moderator.az Yaxın Şərqdə baş verən qanlı toqquşmalarla bağlı Türkiyənin Ərciyəs Universiteti Ermənişünaslıq bölümünün başqanı, ermənişünas alim, professor Qafar Çaxmaqlının fikirlərini öyrənib.
 
Professor bildirib ki, Qüdsdə baş verənlərə, onun bu günlərə təsadüf etməsinə, Amerikanın bəyan etdiyi siyasətini yavaş - yavaş həyata keçirmə taktikası kimi baxılmalıdır:
 

"Bütün imperial güclər bəlli bir yerlərdə siyasətlərini daha asan yürütmək üçün həmişə münaqişə ocaqları yaradırlar. Yaxın Şərq bunlardan biridir. Fələstin artıq neçə onilliklərdir ki, maraqlarını həyata keçirmək üçün ABŞ-ın cazibəli regionudur. Qaldı Qüdsdə baş verənlərə, bu onun bu günlərə təsadüf etməsinə, Amerika bəyan etdiyi siyasətini yavaş - yavaş həyata keçirmə taktikası kimi baxılmalıdır. Bu olaylardan doğan sonuçlara görə Trampın hədəfi inanmıram ki, Türkiyə olsun. Onsuz da Türkiyə oyunların içinə sürüklənmiş durumdadır, ondan çıxmaq üçünsə yaxşı ki, ölçülü biçili addımlarını, qərarlı tutumunu sərgiləməkdədir. Əsas hədəf İrandır. Baxın, bu olaylara İran Türkiyə qədər sərt reaksiya vermədi. Əgər İran ABŞ-ın gözlədiyi kimi sərt çıxışlar etsəydi, hərbi müdaxilələr söz konusu olacaqdı. Bir də dünya müharibəsi üçün açıq hərbi müttəfiqlər və bəlli maraqlar olur. 

 
Məncə, hələ bir çox ölkələrin safı müəyyən edilməyib. Məsələn, elə biri Türkiyə. Türkiyə NATO üzvüdür, həmdə NATO üzvü olmayan ölkələrlə əməkdaşlıq edir. Bu müharibə risklərini azaldan önəmli məsələdir əslində. İsrailə gəlincə.  Əlbəttə, İsrailin törətdikləri insanlıq əleyhinə bir vəhşilikdir. Amma bu gözlənilən idi. Çünki Qərbi Qüdsdə səfirlik açmaq qərarı verilərkən dünya təpki göstərsə də bunun olacağını hər kəs bilirdi. İkinci tərəfdən Qərbi Qüds 1967-ci ildən İsrailə aiddir, onu yenidən Fələstin torpaqlarına qatmaq üçün Ərəb dünyası, müsəlman aləmi zərrə qədər də əməli fəaliyyət göstərməyib. Hal beləysə, burada İsrailin, ya da onun güclü havadarının nə edəcəyi də göz ardı edilməməli idi. 
 
Amerika qəsdən bu hadisəni edərək bəhs etdiyimiz siyasətini yürütməkdədir. Bu dünya müharibəsinə yol açacaqsa Amerika üçün daha yaxşı. Onun nə silah dərdi var, nə də buralarda ərazi itirmək təhlükəsi. Hər münaqişə Amerika kimi bir divə daha əlavə dividentlər qazandırır. Pərdəarxası heç nə yoxdur. Hər şey açıqdır. Amerika bu illər ərzində azacıq da olsa itirdiyi nüfuzunu bərpa etmək və "Böyük Ortadoğu" proyektini həyata keçirməyə bu üsullarla yaxınlaşır. Bu siyasətə etiraz edən qüvvələr ola bilər, amma onun qarşısını almaq gücündə olan ölkə məncə yoxdur."

 

Çox oxunan xəbərlər
Son xəbərlər

21.05.2018

20.05.2018

19.05.2018

Müsahibələr
Arxiv
May 2018
B.eÇ.aÇC.aCŞB
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31















free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
2010-2017 (c) Mediainfo.az | Rss | E-mail: [email protected]z
Created by NetService.az