+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
“Biabırçıdır! Belə olanda nazir istefa ərizəsini yazmalıdır...”
2 Noyabr 2022 16:17
İnsan dünyaya göz açarkən onun daxili kimliyi də özü ilə bərabər dünyaya gəlir. Zaman keçdikcə yaşındakı rəqəmlər dəyişir, həyata baxışı dəyişir, vəzifəsi dəyişir, idrakı dəyişir. Yeganə dəyişməyən qəlb evində saxlanan Yaradanın möhürü ilə möhürlənmiş kimliyidir. O kimliyi dəyişməyə nə zamanın, nə də insanların gücü yetmir. Əgər o kimlikdə adı “yaxşı adam” yazılıbsa, ömrünün sonuna qədər də o şəxs yaxşılıq edəcək, pisliklərdən uzaq gəzəcək, pisliklərlə əhatə olunsa belə. Onu nə vəzifə, nə şan-şöhrət, nə çətinlik dəyişib “pis adam” edə bilməz.
Daxili kimliyində adı “yaxşı adam” yazılmış insanlardan biri də gözəl şair, publisist və əsl ziyalı müəllim Süleyman Əliyev (Seyyid Süleyman)-dır. Seyyid Süleyman Yardımlı rayonunun füsünkar gözəlliyində yazıb-yaradan və öz peşəsinin vurğunu olan ziyalılardandır. Şeirlərinin əksəriyyətində şifahi xalq ədəbiyyatının “ustadnamə” qoluna söykənən şair seçdiyi janrı incəliyinə qədər mənimsəmiş bir qələm əhlidir. Bəlkə də, bu janra sevgisi, dayısı mərhum şairimiz Qəmkeş Allahverdidən ötürülmədi.
Mənim poeziya dünyasının qapısına çatmağımda ustad Seyyid Süleymanın rolu əvəzsizdir. Körpə uşaq kimi qolumdan tutub bu əzəmətli qapının önünə gətirdi. Mənim kimi bir çox gənc qələm adamlarına da sənətin sirlərini öyrətməyi özünə şərəf bilən şairimizə bir dəfə sual verdim ki, “ustad, nə üçün siz ustadnamə janrına üstünlük verirsiniz?” Cavabı çox maraqlı oldu:
- İndi nəinki bəşərin, hətta zamanın da “ustadnaməyə” ehtiyacı var.
Həqiqətən də, bəzən, şeirlərində zamanı belə doğru yola çəkmək istədiyinin dəfələrlə şahidi oldum. Bu istəyinə nə dərəcədə nail olub, onu deyə bilmərəm. Onu deyə bilərəm ki, şeirlərini oxuyanda açıq-aşkar müəllifin hansı zirvədə olduğunu görə bilirsən.
Yaxşılıq əkəndə yerin dərin qaz,
Çiçəyin vurmasın vədəsiz ayaz.
Ay Seyyid, yazanda elə şeir yaz,
Şeirin oxunduqca, söz utanmasın.
Bir başqa ustadnaməsində deyir:
Hər torpaqdan cıxmazcəvahirət, zər,
Hər ocaq yetirməz igid, cəngavər.
Hər salınan bağda olmaz bar, bəhər,
Hər daşlı yollarda iz ola bilməz.
Bəli, doğru deyirsiniz, ustad, “Hər daşlı yollarda iz ola bilməz”. Ancaq siz daşlı yollardan yox, milyonlarla oxucunun qəlbindən iz salmısınız, həm də elə iz ki, əsrlər keçsə də, bu iz itən, yox olan iz deyil.
İyul ayının 7-si ustadın dünyaya gəldiyi gündür. Bu münasibətlə insanlıq meyarını səmimi qəlbdən təbrik edir, ona yeni yaşında yeni-yeni həyat və yaradıcılıq uğurları arzulayıram.
Yaş ötdükcə ucalırsan,
Ucalıqdan ucalığa.
Seyyid, Vallah yaraşıqsan,
Qocaldıqca, qocalığa.
EltunTürkel
