+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
“Bakı 1501” Özbəkistanda təqdim edildi
24 Oktyabr 2022 13:14
"Bundan əvvəl də Mədəniyyət Nazirliyində DTX tərəfindən əməliyyat aparılmışdı. Əvvəlki nazirin müavini Rafiq Bayramov və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov həbs olunmuşdu. İndikilər gözü çıxan qardaşlardan öyrənməyiblər".
Mediainfo.az xəbər verir ki, bunu deputat Aqil Abbas "Unikal"a açıqlamasında deyib. Deputat bildirib ki, yeni gələn kadrlar da özlərinə arxayın olublar: "Görünür, onlar da bu əməllərlə məşğul olublar. Ona gör də nazirlikdə əməliyyat aparılıb. Gənclərə etimad göstəriblər, amma onlar etimadı doğrultmayıblar".
Milli Məclis üzvünün sözlərinə görə, dünyada belə təcrübə var ki, nazirlikdə baş verən hadisə ilə bağlı nazir istefa verir:
"Dünya təcrübəsinə görə, nazirlikdə belə bir hal yaşanarsa, o zaman nazir istefa ərizəsini yazmalıdır. Nazir müavinini çıxarmaq Anar Kərimovun səlahiyyətində deyil. Ancaq müavini ilə bağlı məsələ qaldıra bilər. Nazir fikirləşməlidir ki, niyə bu hadisələr baş verir. Nazir müavinin özünün kurasiya etdiyi sahə var. Ola bilər ki, nazirin onun qol çəkdiyi sənədlərdən xəbəri olmayıb. Hər bir halda nazir bilməlidir ki, işçiləri hansı işlə məşğuldur. Nazirə hesabat verməlidir ki, hansı işlər görülüb. Ümumilikdə, Mədəniyyət Nazirliyində belə halların olması biabırçıdır".
Qeyd edək ki, ötən gün Dövlət Təhlükəsizlik Xidməti (DTX) Mədəniyyət Nazirliyində əməliyyat keçirib. Məlumata görə, mədəniyyət nazirinin birinci müavini Elnur Əliyev, Protokol Şöbəsinin rəisi Kamil Rzayev, Təchizat və Əmlak Şöbəsinin müdiri İlkin Nəsibov və digər vəzifəli şəxslər istintaqa cəlb olunublar.
